Në stërvitjen e sotme të Bayern Mynchen ka patur një përplasje verbale mes mbrojtësit Matt Humels dhe sulmuesit Robert Levandowski. Shkak për debatin mes dy futbollistëve është bërë pasa e gabuar e Hummels, ku si rrjedhojë Levandowski e humbi fare fare interesin për lojën duke u ndalur të lidhte këpucët.
Kaq ka mjaftuar sipas “Bild” që mbrojtësi t’i drejtohet polakut me fjalët: “Levi, nuk je serioz. Ky është një moment ku nuk mund të ndalesh të lidhësh këpucët, punë m…”, ishte kritika e Hummels.
Nuk ka munguar përgjigjja e menjëhershme me tone të larta e Levandowski-t: “Ai i imi ishte një gabim, ndërsa i yti ishte një problem me sjelljen.”
Është dashur ndërhyrja e shokëve të skuadrës për të qetësuar dy futbollistët të cilët deri në fund u munduan të qëndronin sa më larg njëri-tjetrit. Mediat gjermane aludojnë se sulmuesi polak nuk është më shumë i përqendruar pasi zërat e merkatos për transferimin te Real Madrid e kanë turbulluar atë.
