Kryendeshja e javës së kaluar e Kategorisë Superiore mes Skënderbeut dhe Partizanit u parapri nga një ngjarje e pakëndshme mes tifozerive dhe për këtë arsye të dyja klubet janë ndëshkuar nga Federata Shqiptare e Futbollit.
Tifozët e Skënderbeut dhe të Partizanit u përleshën me grushte dhe Komisioni i Disiplinës ka marrë masa ndëshkuese për këtë episod.
“Për sjellje të gabuar të spektatorëve”, Skënderbeu dhe Partizani janë dënuar me nga 1 milion lekë gjobë.
