Tenistja ruse Maria Sharapova vijon të zhgënjejë me paraqitjet e saj në fushë dhe këtë herë ka dështuar që në raundin e parë e turneut të Dohës, ku mund 2-1 nga rivalja rumune Monica Niculescu (4-6, 6-6, 6-3). Edhe pse Sharapova e nisi mirë ndeshjen, duke fituar setin e parë, shpejt loja e saj pësoi ulje, duke mos qenë më agresivë në fushë, ndërkohë që rivalja ballkanase përfitoi nga gabimet e ruses për të përmbysur shifrat dhe fituar.
“Setin e parë dhe në gjysmën e të dytit luajta mirë, por nuk ishte mjaftueshëm për ta fituar ndeshjen. Fizikisht ndihem mirë dhe aspak e lodhur. Thjesht ishte një ditë e keqe, pasi nuk e prisja këtë humbje dhe eliminim. me kalimin e kohës isha shumë pasive dhe nisa të bëja shumë gabime. Do të ulem të rishoh videon e ndeshjes për të kuptuar gabimet dhe më pas të rindërtoj bazën për t’u rikthyer sërish në fushë”, u shpreh Maria Sharapova.
