Real Madridi tashmë ka përfituar nga fillimi shpërthyes i Cristiano Ronaldos më 2018, por tani edhe Portugalia është duke ia parë hairin formës së shkëlqyer të numrit 7.
Ronaldo shënoi dy herë kundër Egjiptit të premten mbrëma, duke e çuar në 23 numrin e përgjithshëm të golave nga 14 ndeshje këtë vit.
Rekordet vazhdojnë të thyhen kudo që Ronaldo përfshihet, teksa tani ai ka 81 gola me Kombëtaren dhe është bërë lojtari i tretë me më së shumti gola për vendin në histori.
Në 21 ndeshjet e Portugalisë që prej Kampionatit Evropian 2016, Ronaldo ka luajtur në 15 prej tyre dhe ka shënuar 21 gola, si dhe dhuruar katër asiste.
Kjo do të thotë se Ronaldo ka qenë përgjegjësi kryesor për 51% të golave që Portugalia i ka shënuar në ato 15 ndeshje.
