Në ditët e fundit është raportuar se skuadra e Bundesliga-s kishte hyrë në luftë për firmën e sulmuesit duke ofruar 32.5 milionë euro, më shumë se 26.8 milionë eurot e ofruara nga Inter.
“Lautaro Martinez do të luajë tek Inter,” konfirmon presidenti Blanco.
“Fatkeqësisht për ne, Borussia Dortmund mbërriti tepër vonë me ofertën e saj. Transferimi tek Inter është 99% i bërë dhe do të jetë shumë e vështirë që ai të qëndrojë me ne pas qershorit.
“Martinez është një lojtar i Inter. Ka disa detaje që mungojnë midis lojtarit dhe Inter, duke përfshirë edhe vizitat mjekësore, por lojtari ka nënshkruar me Inter.
“I vetmi që mund ta ndryshojë mendjen është lojtari, pasi Racing ka mbyllur negociatat me Inter dhe marrëveshja është e bërë.
“Borussia Dortmund mbërriti tepër vonë dhe nuk kanë shanse.”
