Futboll

Ervin Skela: Ka humbur numri 10, Panucci po bënë një punë të mirë në Kombëtare

Është e vështirë të japim mendim si e shoh unë apo si e shohim ne Kombëtaren, është një cikël i ri, me lojtarë të rinj që do të japin maksimumin dhe do të bëjnë më të mirën.

Ish-mesfushori vlerëson medodat e Panuccit dhe tregon elementët që i pëlqyen në punën e italianit me ekipin.

Më pëlqeu jashtë mase. Kishte shumë komunikim dhe shumë këshilla për lojtarët. Kjo është një ndihmë e madhe për lojtarët e rinj. Unë në Kombëtare i kam pasur shumë të pakta këto këshilla, për mënyrën e vendosjes në fushë dhe korrigjimet që duhen bërë. Më pëlqeu shumë dhe për lojtarët e rinj është jashtëzakonisht shumë e vlefshme.

Kur Skela u tërhoq nga kombëtarja, të gjithë pyesnin se cili futbollist mund ta bënte rolin e tij. 41-vjeçari tregon se futbolli ka ndryshuar shumë në dekadën e fundit.

Ka humbur numri 10 i famshëm apo organizatori. Në futbollin modern kërkohet që sulmuesit dhe organizatorët të mbrojnë edhe më shumë. Futbolli është bërë shumë më i shpejtë dhe ekipet dhe lojtarët janë shumë të përgatitur fizikisht dhe taktikisht.

Para nisjes së Ligës së Kombeve Skela e sheh Shqipërinë si favorite për ta mbyllur grupin në vendin e parë.

Me Izraelin, pas humbjes në një ndeshje, ku nuk mund të flitej futboll, e treguam veten atje. Ndërsa Skocia është një skuadër me lojtarë të gjatë dhe fizike e që pa dyshim ka shumë emër. Por tani e kemi shkallën shumë më të lartë pas kualifikimit në Europian. Nuk kërkojmë vetëm të jemi aty por luajmë gjithmonë për vendin e parë. Këta djem e kanë rritur vetë nivelin deri në këtë pikë të lartë dhe tani duhet vetëm ta mbajnë.

Vlonjati rrëfeu edhe jetën e tij në Gjermani dhe punën te Eintrachti i Frankfurtit.

Jam shumë krenar që në një klub si Eintracht Frankfurt ndodhem mes legjendave të futbollit gjerman si ambasador i klubit. Jetoj me familjen në Frankfurt prej shtatë vitesh, në klub shërbej për akademinë e futbollit dhe më jep kënaqësi puna e trajnerit. Të bëj UEFA Pro është një vlerësim shumë i madh, më vlen edhe në Gjermani dhe dua të vazhdoj ta bëj këtë punë dhe më pak fat të jem në nivele të larta.

Related posts

LIVE/ Laçi-Tirana, Ndizet sfida. Shtubina shënon dhe ngushton shifrat për kurbinasit

Delo.autor

U pendua që nuk besoi te talenti/ Reali i Madridit, përgatit rikthimin e sulmuesit…

Sadik.Autor

Në “Elbasan Arena” kundër Kuqezinjve, luan talenti i madh i Realit

Sadik.Autor

Leave a Comment