Manchester United po “shtyn” për të marrë futbollistin e Spanjës U-21, Carlos Soler, kundrejt 40 milionë eurove, gjatë merkatos së verës së ardhmshme. United ka nisur bisedimet me Valencia, klubi që ka pronësinë e Soler, për përgjysmimin e klauzolës, që lejon largimin e futbollistit, e cila është 90 milionë euro.
Një seri me blerje të gabuara, pas largimit të Ferguson, kushtëzuan paraqitjen e United në sezonet e kaluara, ndërsa sivjet gjërat duket se nuk janë përmirësuar, pavarësisht se ekipi i Jose Mourinho, mori emra të tillë si Romelu Lukaku, Paul Pogba dhe Nemanja Matic, në qershor.
20-vjeçari Soler ka përfunduar në “radarët” e United, që kur ai debutoi me skuadrën e parë, gjatë sezonit të kaluar. Jose Mourinho e sheh atë si futbollistin ideal për të zëvendësuar Paul Pogba qW duket se i ka orët e numëruara në mesfushën me tre futbollistë të “djajve”.
Michael Carrick do të tërhiqet në fund të sezonit, ndërsa ka pikëpyetje të mëdha në lidhje me gjendje shëndetësore të Marouane Fellaini dhe Ander Herrera. Stafi i United e ndoqi Soler gjatë ndeshjes së barazuar 2-2 kundër Real Madrid, ku lojtari shënoi edhe një gol. Mbetet për t’u parë nëse Valencia do të pranojë “vetëm” 40 milionë euro…