“Çfarëdo që të ndodhë në Champions League, reagimi i Chiellini-t pasi ka devijuar krosin e Son për Kane do të jetë një nga imazhet më të bukura që do t’i rezistojnë historisë”.
Këto kanë qenë fjalët e Jamie Carragher, ish-mbrojtësi legjendar i Liverpool, i cili i ka thurur elozhe gladiatorit të Juventus-it në faqet e “Telegraph”.
“Kundër Tottenham, në 20 minutat e fundit të ndeshjet, mbrojtësi italian ka qenë vendimtar. Askush në Angli nuk është në gjendje të ketë të njëjtën dëshirë si ai. Kur Anglia do të jetë në presion, në mbrojtje të avantazhit me një gol, kush do të dalë përpara si Chiellini për të karikuar ekipin?”.
