Patrick Kluivert dëshiron ta shohë djalin e tij Justin të luajë për Barcelonën, në vend të Manchester United. 18-vjeçari ka paraqitur një nivel shumë të mirë me Ajax dhe duket se e ka të ardhmen e shndritshme para vetes pasi kërkohet nga disa prej klubeve më të mira të Europës. Babai i tij, i cili ka luajtur 182 ndeshje me ekipin katalanas do të dëshironte te shihte të birin në “Camp Nou”.
Justin Kluivert ka luajtur 50 ndeshje me Ajax dhe ka shënuar 10 gola
“Jam shumë krenar për të. Ai po bën një punë shumë të mirë me Ajax dhe tani është bërë një futbollist titullar, pavarësisht se ende nuk ka mbushur 19-vjeç, – tha Kluivert. – Padyshim që do të dëshiroja që të shkonte te Barcelona, por në futboll asnjëherë nuk i dihet. Gjithçka mund të ndodhë dhe ky transferim mund të realizohet në të ardhmen, por i takon djalit të vendosë se ku dëshiron të luaj.”
