Roberto Carlos ka dhënë një intervistë për “France Football” dhe ka folur për ambiciet e Brazilit në prag të Botërorit. “Humbja 7-1kundër Gjermanisë është pjesë e së kaluarës, edhe pse jashtë Brazilit mbahemi mend vetëm për këtë, – ka thënë kampioni i botës i 2002-it. – Tite po bën një punë shumë të mirë, por krijon një grup me një mentalitet të mirë. Besoj se modeli i tij është ai i skuadrës së 1982-it”.
Ylli i skuadrës do të jetë Neymar, por pas tij vjen Gabriel Jesus: “Gabriel është një lojtar shumë i fortë dhe i zgjuar, e di se do të duhet të vihet në dispozicion të grupit. Do të ketë funksionin që Benzema ka te Real Madrid për Cristiano Ronaldo-n”.
Ndërkohë, Neymar po punon për të rikuperuar nga dëmtimi në këmbë që e ka detyruar të mbyllë para kohe sezonin me Paris Saint-Germain, por Roberto Carlos ka një die të qartë për vendin që zë ish-ylli i Barçës në panoramën e futbollit botëror. Dhe për dëmtimin e tij:
“Neymar ka bërë mirë që ka shkuar te Parisi. Herët ose vonë do t’i duhej të dilte nga hija e Mesit për të treguar se është më i miri në botës. Megjithatë, duhet të pranojë faktin se Leo dhe Cristiano janë në formë dhe ai është vetëm i treti. Dëmtimi? Ne besojmë shumë në Brazil dhe mendojmë se gjëra të tilla nuk ndodhin rastësisht. Mendoj se Neymar do të përqendrohet te puna dhe do të ketë më shumë kujdes për veten”.