Trajneri i Argjentinës, Jorge Sampaoli, ka thënë se në stërvitje është e pamundur t’i mësosh diçka Lionel Messit sepse niveli i tij është i paarritshëm.
Messi do të rikthehet në formacionin e Argjentinës për miqësoren kundër Spanjës sonte në Madrid, pasi mungoi në fitoren 2-0 kundër Italisë të premten në Mançester, si pasojë e mbingarkesës muskulore.
Pesë herë fituesi i Topit të Artë është në formë të shkëlqyer për Barcelonën këtë sezon. Ai e çoi Argjentinën në Kupën e Botës duke shënuar het-trik të jashtëzakonshëm kundër Ekuadorit të tetor.
“Është e pamundur t’i mësosh diçka Messit. Niveli i tij është i paarritshëm. Duhet ta kuptosh Messin, jo ta mësosh”, ka thënë ai.
“Në stërvitje duhet të tentosh të shkaktosh situata në të cilat rehatia e tij do të ishte optimale. Nga aty, duhet ta ndërtosh ekipin në lidhje me këtë tregim”, shtoi ai.
