Megjithatë e rëndësishme është që jo çdo ndeshje të merret lehtë, pasi Lushnja pavarësisht se duket e rrëzuar, gjithsesi do të provojë t’i luajë deri në fund kartat e saj, derisa matematika t’ia lejojë. Për këtë arsye dhe Daja nuk pritet të bëjë rotacion në këtë sfidë, duke kërkuar që skuadra t’i marrë të gjitha ndeshjet seriozisht deri në çastin që titulli do të zyrtarizohet.
Te Lushnja mund të krijojnë ngërç problemet financiare të skuadrës, por gjithsesi kur luan me më të mirët e Superiores ke dëshirë të tregosh cilësitë e tua dhe kjo pa dyshim do ta bëjë Lushnjën që ndaj Skënderbeut ta shesë veten shtrenjtë dhe në fakt, në çdo ndeshje me korçarët lushnjarët kanë mundur të realizojnë duke shpalosur për më tepër dhe një futboll sulmues dhe aspak të ndrojtur