Arsenal ka treguar një paraqitje të mirë në Emirates, sidomos në pjesën e dytë, duke mposhtur vendin e parafundit Stoke City me rezultatin 3-0 falë dopietës së Aubameyang dhe Lacazette në pjesën e dytë. Ndeshja është e fortë dhe mundësia e parë për gol vjen në minutën e 23’ kur Aaron Ramsey trondit shtyllën nga brenda zonës.
Pas pushimit Arsenal bëhet më agresiv dhe arrin të krijojë më shumë raste shënimi. Elneny kishte një mundësi të mirë, po ashtu edhe Aubameyang dhe Chambers nga shumë pranë portës. Duhej që Mesut Ozil të fitonte një penallti në minutën e 74’ që më në fund të zhbllokohej rezultati.
Ai që mori përsipër penalltinë ishte Aubameyang. Arsenal ishte më i qetë pas golit dhe Auba dyfishon rezultatin me dopietën e parë të tijën me Topçinjtë në minutën e 86’. Pak minuta më pas Lacazette fiton një tjetër penallti dhe ekzekuton vetë.