Liverpool dallohet për mënyrën e shumë agresive dhe sulmuese të të luajturit futboll. Dhe nisur nga kjo nuk është fare rastësi që në Ligën e Kampioneve asnjë skuadër tjetër nuk ka shënuar aq sa edhe ekipi i drejtuar nga Jurgen Klopp.
“Të kuqtë” kanë realizuar 33 gola në 10 ndeshje në kompeticionin më të rëndësishëm të kontinentit. Dyshja e sulmit Firminho-Salah kanë shënuar 40 gola në 44 ndeshje këtë sezon, kurse në Champions nga 8 gola për kokë.
Mënyra e të luajturit e skuadrës angleze është me 3 sulmues, e këta nuk kanë detyra të veçanta mbrojtëse dhe mëbshteten nga një mesfushor si Oxlade-Chamberlain, i cili dallohet për cilësitë e spikatura në sulm.
Pavarësisht mungesave të shumta për shkak dëmtimi, ardhja në janar e Van Dijk i garantoi më shumë soliditet repartit difensiv, edhe pse stili i tyre i lojës u lejon rivalëve që të përfitojnë nga hapësirat në prapavijë dhe të kenë rate të shumta gola. Liverpool ka pësuar 35 gola në 33 ndeshje në Premier League.
