Rafael Nadal është krahasuar me Lionel Messi nga trajneri i tij, ish-tenisti Carlos Moya.
Spanjolli është riaftësuar nga një dëmtim në shpinë, në kohë për të mbrojtur vendi i parë në renditjen e përgjithshme ATP për meshkuj.
Në ditën e rikthimit, Nadal ndihmoi Spanjën të fitonte ndaj Gjermani në çerekfinalen e Kupës Davis pasi mposhti numrin 4 të planetit, Alexander Zverev.
Moya mendon se avantazhi që i jep Nadal kombit të tij në tenis, është si ai që Messi i jep Barcelonës, në La Liga, ku katalanasit janë një hap larg titullit.
“Si pasojë e motivimit dhe shpirtit të ekipit, prania e Rafa ndikon te e gjithë kombëtarja spanjolle e tenisit, – tha Moya. – Ata e kanë të sigurt se ai do t’i fitojë të dy ndeshjet e tij, kësisoj ata luajnë lirshëm në ndeshjet e tyre. Do ta krahasoja me atë që bën Leo Messi te Barcelona. Edhe ata luajnë lirshëm sepse e dinë se herët e vonë Messi do të vendosë fatet e ndeshjes.”