Problemet ekonomike vazhdojnë të shqetësojnë shumë klube të futbollit, deri në atë pikë sa merkato “low cost” është kthyer në një detyrim. Kjo nuk dodh në të gjitha kampionatet e mëdha të Europës, ku vetëm pak klube kanë forcën që të blejnë më të mirët që ofron tregu.
Por, siç është vënë në dukej nga observatori ndërkombëtar i futbollit, ekzistojnë disa lojtarë të mirë, të cilët mund të merren me kosto zero dhe të bëjnë akoma diferencën. “CIES” e ka zbuluar këtë duke përdorur një algoritëm të vetin që, falë treguesit të paraqitjeve të përdorur mbi ata lojtarë që kanë luajtur të paktën 1.000 minuta në kampionat, i ka lejuar të evidentojë rastet më të mira mes lojtarëve që do të mbeten pa kontratë në fund të sezonit.
Për lojtarët e seleksionuar dhe të përfshirë në këtë renditje të veçantë, algoritmi ka mbajtur parasysh efikasitetin e lojtarëve në disa aspekte të lojës: penallti, mbulim, hapje e lojës, raste të krijuara dhe gjuajtje në portë.
Ndërsa, për portierët, janë konsideruar golat e pësuar në bazë të minutave të luajtura dhe përqindja e pritjeve. Rezultati ka qenë një përzgjedhje e 50 lojtarëve më të mirë me kosto zero, kontrata e të cilëve skadon më 30.06.2018: një renditje që kryesohet nga portieri i Napoli-t, Pepe Reina.
Mbrapa spanjolli, i cili do të veshë fanellën e Milan sezonin e ardhshëm, janë Vicente Guaita, datëlindja 1987, portier i Getafe dhe, në vendin e tretë, Gianluigi Buffon me Arjen Robben. Me 50 më të mirëve “loë cost” është edhe Emre Can, Jack Wilshere, Max Meyer i Schalke 04, Sanjin Prcić i Rennes dhe Stefan de Vrij, mbrojtësi që nuk do të rinovojë me Lazio-n dhe që mund të përfitojë tek Inter.
