Gjithsesi, nga drejtuesit e ekipit të Enstone, besojnë se McLaren do të ndryshojë ritmin gjatë vitit, ka shpjeguar drejtuesi i inxhinerëve të Renault, Bob Bell, i cili ka folur për revistën Racer. “Do të jetë një luftë e ashpër gjatë gjithë vitit, sepse McLaren është ekip shumë i mirë dhe do të rifitojë atë që po humbet në fillim të kampionatit. Do të jetë e vështirë, prisnim që të ishin pak më para, por kjo nuk është shkencë ekzakte dhe e dijmë që mund të bëjmë një mal me punë për t’u zhvilluar gjatë sezonit”.
“Dua të them se ndjejmë keqardhje që nuk jemi një hap para, shpresojmë që të përmirësohemi në kohë, të afrohemi te tre të parët dhe gjatë verës t’ia dalim. Mendoj që ndihemi mirë me punën e bërë me McLaren”. Më pas foli për rivalët e tjerë: “Qartësisht Toro Rosso dhe Haas kanë bërë një punë të mirë gjatë dimrit dhe e kanë bërë jetën shumë të komplikuar”.
