Basketbollistët e skuadrës së Cleveland Cavaliers u paraqitën sot në “Bankers Life Fieldhouse” të Indiana të veshur të gjithë njësoj, me një kostum ngjyrë gri. Pas ndeshjes u mësua se ky ka qenë një vendim i marrë nga LeBron James, që i ka dhuruar të gjithë skuadrës këtë komplet, duke treguar unitetin që ekziston mes lojtarëve, në një moment jo fort të mirë në NBA për Cavaliers.
Pavarësisht kësaj risie, ku para ndeshjes zbriti nga autobusi një ekip elegant, basketbollistët e Cleveland Cavaliers u mundën në këtë sfidë të tretë çerekfinale të play off-it në Konferencën e Lindjes nga Indiana me rezultatin 92-90 në momentet e fundit të lojës. Ekipi i Indianës udhëheq 2-1 serinë e takimeve dhe do të luajë në fushën e tij edhe sfidën e radhës, pas dy ditësh.
Today’s @Cavs #NBAStyle! #NBAPlayoffs pic.twitter.com/qx3TofFZEx
— NBA (@NBA) April 20, 2018
