Mesfushori i Kombëtares, Kamer Qaka, duket se do të jetë i sakrifikuari nga radhët e CSM Poli Iasit në Rumani. Për shkak të problemeve financiare, Qaka mund të shitet dhe interes ka shfaqur Steaua e Bukureshtit.
Por, nga ana tjetër, drejtuesit kanë pranuar se në radhët e tyre ka ardhur edhe një ofertë nga Gimnastik, klub i Segunda Divizion në Spanjë. Për Qakën flitet se janë ofruar 500.000 euro.
Siç raportojnë mediat rumune, është pikërisht Panuçi, trajneri i Shqipërisë, që e ka këshilluar që të qëndrojë deri në fund të sezonit te CSM Iasi dhe më pas të zgjedhë Spanjën si destinacionin e ardhshëm. Edhe presidenti i skuadrës rumune e ka pranuar mundësinë e largimit të shqiptarit, nisur edhe nga vështirësitë financiare të skuadrës së CSM Poli Iasit.
