Pas zërave të ditëve të fundit se Lewis Hamilton mund të kalojë te Ferrari në vitin 2021, kur dhe mbaron kontrata aktuale me Mercedes, nuk i kanë pëlqyer ish-pronarit të Formula 1, Bernie Ecclestone. Në një intervistë për “Daily Mail”, ai i ka dhënë një këshillë pilotit britanik, që të mos transferohet kurrë te makina italiane. Madje ai i sugjeron Hamilton të tërhiqet nga sporti.
“Ferrari është një vend i çuditshëm pune dhe, përveç të tjerave, Hamilton nuk flet italisht. Lewis është një pilot me të cilin mund të shkosh kollaj dakord, ose e kundërta. Nëse do të isha në vendin e tij, do të fitoja edhe një titull e do të tërhiqesha nga Formula 1, pa shkuar te Ferrari. Ai vend nuk është aspak i përshtatshëm për të”, tha Ecclestone.
