Miralem Pjanic nuk beson se është dashur të përjashtohej nga loja duke u ndëshkuar me kartonin e dytë të verdhë për një ndërhyrje ndaj Rafinhas në fitoren e Juventusit 3-2 ndaj Interit.
Derbi italian prodhoi pesë gola, dy rikthime dhe një karton të kuq pas vetëm 17 minutave për Matias Vecino, por në mesin se situatave më kontroverse ishte edhe shmangia e kartonit të dytë të verdhë nga Pjanic, i cili u përplas mbi Rafinhan duke i thënë atij një goditje të fortë.
“Ndëshkimi im i parë ishte i padrejtë, por e kuptoj sepse Interit sapo i ishte përjashtuar një lojtar me të kuq. Stadiumi po bënte shumë presion ndaj gjyqtarit duke bërë thirrje për të kuq”, ka thënë mesfushori boshnjak për Sky Sport Italia.
“Të fitosh kështu është gjëja më e mirë, sepse të forcon ndërsa kundërshtarët i lëndon. Interi tregoi krenari të madhe duke luftuar, por ne e duam titullin kampion dhe e dëshmuam atë”, shtoi Pjanic.
