Marc Marquez ka dhënë kohën më të shpejtë sot në pistën e Austin, në përfundim të sesionit të parë të provave të lira, të vlefshme për garën e Çmimit të Madh të Amerikës, që do të zhvillohet ditën e diel. Piloti spanjoll i Honda dha kohën 2’05”530 në përfundim të sesionit të parë, duke qenë më i shpejti. I dyti u klasifikua Valentino Rossi me Yamaha, duke bërë që rivaliteti mes dy pilotëve pretendentë për titullin kampion të transferohet nga Argjentina në Amerikë.
Pas polemikave në garën e fundit, dy pilotët ishin protagonist edhe në pistën e Austin, duke qenë të shpejtë, të vetmit që zbritën nën 2’06” në pistën amerikane. Kjo pistë duket se do të jetë e përështatshme për motorin Yamaha, pasi i treti u rendit shoku i skuadrës së Rossit, Maverick Vinales e pas tij motori Ducati i Jorge Lorenzo. Në vendin e pestë u klasifikua britaniku Cal Crutchlow me Honda e më pas Andrea Dovizioso me Ducatin tjetër.
#MotoGP FP1 🏁@marcmarquez93 makes his mark early 🔥
Yamaha duo @ValeYellow46 and @maverickmack25 round out the top three#AmericasGP pic.twitter.com/l52Z7NYyzJ
— MotoGP™🏁 (@MotoGP) April 20, 2018