Një shenjë e madhe në qafë, që tregon se ka kryer një ndërhyrje kirurgjikale. Lajmin e ka konfirmuar vetë piloti brazilian Rubens Barrichello, piloti më jetëgjatë i historisë së Ferrarit. Por nuk bëhet fjalë për një operacion disido, por për një ndërhyrje kirugjikale për t’i shpëtuar tumorit, që rrezikoi t’i merrte jetën.
“Një mëngjes, po bëja dush, kur ndjeva një dhimbje në kokë. Ndjeja sikur do të më shpërthente koka, aq sa u ula në tokë. M’u deshën pak minuta para se të lajmëroja bashkëshorten time Silvana dhe t’i kërkoja ndihmë”, rëfen Rubens Barrikelo”.
Më tej, ish-piloti i “kokëkuqes” shton: “Mbaj mend që dhimbja ishte padurueshme dhe e kuptova menjëherë që bëhej fjalë për një problem serioz. Iu drejtova një mikut tim doktor, i cili e kuptoi rëndësivë. Jam me fat. U operova menjëherë dhe mjekët më thanë që vetëm 14% e personave që kanë këtë sëmundje arrijnë të rikuperojnë 100%. Pasi arrita të kaloj këtë problem, kisha frikë se nuk do të garoja më, por ia dola mbanë”, tha Barrikelo.
