Manchester City ka pasur bisedime intensive me Napoli me synimin për të marrë Jorginho. Diskutimet mes dy klubeve janë etiketuar si “pozitive” nga britanikët dhe vetë 26-vjeçari ka shprehur haptazi dëshirën për të shkuar te skuadra e Pep Guardiola.
Napoli kërkon rreth 60 milionë euro për italo-brazilianin, i cili luajti një sezon shumë të mirë në urdhrat e Maurizo Sarri, duke e mbyllur kampionatin italian në vendin e dytë.
Chelsea gjithashtu ka bërë një sondazh për Jorginho, duke menduar se Sarri do të jetë trajneri i tyre i ardhshëm dhe ai di si të nxjerrë më të mirën nga mesfushori.
Megjithatë, që në momentin që u tërhoq nga blerja e Fred nga Shakhtar, City po bazon gjithçka te blerja e Jorginho, si pasardhësi i Yaya Toure. Menaxher i tij Joao Santos është takuar me drejtorin teknik të City, Txiki Begiristain, i cili më pas ka nisur kontaktet me Napoli.
Gjithsesi, Napoli nuk pranon më pak se 60 milionë euro për lojtarin që shënoi 4 gola dhe dha 4 asiste në 39 ndeshje të luajtura në këtë sezon.
