Blerja e Antoine Griezmann për shumën e raportuar 100 milionë euro do të ishte një dhuratë, sipas kampionit të botës me Francën Christophe Dugarry.
Ylli i Atletico Madrid Griezmann është përfolur për një kalim te Barcelona këtë sezon, ndërsa Manchester United gjithashtu mendohet të jetë interesuar për sulmuesin.
Dhe, megjithëse shuma 100 mln euro duket e lartë, Dugarry mendon se do të ishin para të shpenzuara mirë.
“Griezmann ka oferta në tavolinë,” shprehet Dugarry për RMC.
“Klauzola e tij e lirimit 100 mln euro është në dorën e tij. Ai duhet të vendosë përpara Kupës së Botës.
“Janë shumë para, por për Griezmann një dhuratë. Të gjithë e duan, kështu që është ai që duhet të vendosë.”