Emily Ratajkowski ka rrëfyer disa detaje interesante rreth martesës së saj me aktorin 31-vjeçar, Sebastian Bear-McClard. Në një intervistë të gjatë të dhënë për revistën Marie Claire, ajo ka treguar se si njerëzve u dukej e pabesueshme martesa e tyre. Pasi sipas tyre, do t’u zgjaste maksimumi vetëm tre muaj. Por, në të vërtetë ajo thotë që janë shumë të lumtur pranë njëri-tjetrit dhe se e kanë marrë shumë seriozisht këtë hap të rëndësishëm që kanë ndërmarrë.
Emily është një ndër modelet më të suksesshme në botë, ajo ka zënë kopertinat e revistave më të famshme ndërsa është edhe pjesë e kinematografisë. Fotot dhe videot që ajo realizon janë ndër më të komentuarat në rrjetet sociale dhe media. 26-vjeçarja ka 17.5 milionë ndjekës në Instagram, ku poston foto tejet sensuale dhe merr komente pafund.
