“Ne po mundoheshim të ishim në ekuilibër në fushë, dhe donim të godisnim në kundërsulm. E kapëm në disa momente në kundërsulm Flamurtaritn, por nuk arritëm të shënonim”, tha fillimisht vlonjati për “Super Sport”.
Ndikoi largimi i Rexhinaldos? – “Edhe Xhixha që hyri në lojë bëri një ndeshje të mirë, nuk mendoj se ndikoi dëmtimi i Rexhinaldos. Jemi të kënaqur, sepse edhe një pikë na bën mirë. Detyrën e Uzunit në disa reaste e kishte Lushkja në qendër të mesfushës. Nuk e arritën dot ashtu si duhet, padiskutim, sepse Flamurtari ka disa lojtarë të mirë në mbrojtje, edhe të gjatë. Rexhinaldon e mbuluan gjatë të gjithë kohës. Uzuni është një lojtar që do na shërbente shumë sot. Edhe bushi bëri një ndeshje të mirë, e meriton të përgëzohet.
Finalja e Kupës apo vendi i 4 në kampionat? – “Ne mendojmë për vendin e 4, kjo është e rëndësishme. Finalja është ende larg. Për momentin mendojmë për kampionatin, pasi jemi aty dhe pse të mos mendojmë për këtë gjë. Finalja do vlerësohet kur të vijë momenti”.
