Roma po has vështirësi për të gjetur një zgjidhje për të nënshkruar me Kris Smolling nga Mançester Junajtid pasi klubi anglez nuk duket se dëshiron të lëvizë nga çmimi. “Djajtë e Kuq” kanë në zotërim kartonin e qendërmbrojtësit, me Smolling që ka shprehur haptazi dëshirën për të qëndruar në kryeqytetin italian.
Mbrojtësi 30 vjeçar është i huazuar tek Roma, por klubi Italian e cilëson të lartë shumën prej 20 milionë eurosh që Mançester Junajtid kërkon. Sipas “Calciomercato.com” Roma dëshiron ta blejë përfundimsiht kartonin e Smolling, por nuk pranon të paguajë 20 milionë euro për mbrojtësin.
Mançester Junajtid dhe Roma po përgatiten për Europa Ligën, dhe mediat pretendojnë se klubi anglez nuk dëshiron ta lejojë lojtarin të luajë për Romën pasi mund të përballen bashkë në Ligën e Europës.
