Vllaznia humbi dje 2-0 nga Partizani, duke qenë kështu me një këmbë në Kategorinë e Parë, pasi ndodhet në vend të parafundit në renditje me 5 pikë më pak se kundërshtari më i afërt. Pas ndeshjes, trajnerit Ernes Gjoka nuk pranoi të pronuncohej për mediat, teksa për të u tha se ka dhënë dorëheqjen.
Kjo gjë ende nuk është konfirmuar nga trajneri, as nga drejtuesit e klubit. Gjithsesi, në rast të largimit të Gjokës, te Vllaznia e kanë gjetur zëvendësuesin e tij. Bëhet fjalë për trajnerin e Vllaznisë B, Ervis Kraja.
Ky i fundit do të ishte zgjidhja e duhur për të drejtuar ekipin në dy ndeshjet e mbetura të ekipit.Në lidhje me këtë çështje pritet të mësohet më shumë sot.
