Pasi shkëlqeu në karrierën e tij si basketbollist dhe pasi fitoi çmimin Oscar si producent i filmit vizatimor me metrazh të shkurtër, tani Kobe Bryant do të provojë aftësitë e tij edhe si shkrimtar. Ish-basketbollisti i Lakers, 5 herë kampion në NBA, ka bërë me dije se këtë vit do të publikojë librin e tij me titullin “The Mamba Mentality: How I Play” (Mentaliteti i Mamba, ja se si kam luajtur).
Libri që ka si autor Kobe Bryant do të dalë në shitje me 23 tetor, libër ku ish-basketbollisti reflekton për 20 vite karrierë si profesionist me Lakers. Në libër do të përfshihen edhe mjaft fotografi të shkrepura nga Andrew D.Bernstein, fotografi zyrtar i Lakers. Ndërsa hyrja e librit do të mbajë firmën e një tjetër ikone të NBA-së, trajnerit Phil Jackson dhe të ish-shokut të skuadrës Pau Gasol.
"The Mamba Mentality: How I Play" book comes out October 23, 2018! Learn how I approached the process and the craft, accompanied by 20 yrs of photos from the incomparable @ADBPhotoInc. Intros by @paugasol & @PhilJackson11 https://t.co/Na41sWLmtp pic.twitter.com/POFZnOwZPm
— Kobe Bryant (@kobebryant) May 29, 2018
