Mario Mandzukic me shumë gjasa do të largohet nga Juventus dhe Manchester United është klubi i interesuar për të. “Djajtë”, që me shumë mundësi do të largojnë Martial, kanë nevojë për dikë që të luajë si sulmues krahu dhe të zëvendësojë Lukaku, si qendërsulmues, kur të jetë nevoja, kroati i plotëson këto kritere dhe pavarësisht se është 32 vjeç bën pjesë në planet e Jose Mourinho.
Mandzukic ka një kontratë deri në vitin 2020 me Juventus, nga e cila merr 3.5 milionë euro në sezon. Gjithsesi, e ardhmja e tij do të vendoset vetëm pas Kupës së Botës 2018, ku lojtari do të jetë i impenjuar me Kroacinë.
