Neymar është kthyer në stërvitje me Paris Saint-Germainit pas një lëndimi serioz, që në fillim u mendua se do t’ia rrezikonte edhe Botërorin.
Sulmuesi i PSG-së ka qenë jashtë fushës që prej se e theu ashtin në shputën e këmbës së djathtë në një ndeshje kundër Marseille në fund të muajit shkurt.
Trajneri në shkuarje i gjigantit francez, Unai Emery, ka lënë të kuptohet se Neymar mund të paraqitet për kampionin e francez para mbarimit të këtij sezoni.
Pasi mbërriti në Paris nga Brazili, ku u riaftësua nga lëndimi, Neymar ka punuar sot në palestër në qendrën stërvitore të PSG-së “Ooredoo”.
PSG-ja të premten do të luajë në finale të Kupës së Francës kundër skuadrës nga niveli i tretë i futbollit francez, Les Berbiers.
PSG-ja do t’i zhvillojë dy ndeshje në ligë kundër Rennes më 12 maj dhe Caen më 19 po të këtij muaji para se ta mbyllë kampionatin e sivjetmë.
He looks kinda familiar… 😏@neymarjr is back at work at the Ooredoo Training Centre📍 pic.twitter.com/XTlcqf6tAm
— Paris Saint-Germain (@PSG_English) May 5, 2018
