Pas një viti e gjysmë nga gara e fundit, ajo që e shpalli kampion bote në Formula 1, piloti gjerman Nico Rosberg ka vendosur që të zbresë sërish në pistë, këtë herë në vendlindjen e tij. Ish-piloti i Mercedes do të marrë pjesë në vitin 2019 në Botërorin e Formula E, ndërkohë që sot ka shijuar disi makinat elektrike në rrugët e Gjermanisë, duke bërë promovimin e këtij eventi, që këtë fundjavë zhvillohet në Berlin.
32-vjeçari ka pilotuar makinën e ardhshme të Formula E, duke mbetur i kënaqur. “Ishte vërtet fantastike të pilotoje një makinë të tillë në rrugët e qytetit, u argëtova shumë”, tha Rosberg, që edhe nesër pasdite do të provojë makinën e kësaj gjenerate të re (makina elektrike). “U largova nga Formula 1, pasi ajo kërkonte shumë impenjim, por po më pëlqen ky Botëror i Formula E”, tha piloti gjerman.
Retweeted ABB Formula E (@FIAFormulaE):
"It's like seeing a spaceship go through town" – @nico_rosberg took to the streets of Berlin in the #Gen2 Formula E car today ⚡️🌬🏎 #BerlinEPrix pic.twitter.com/QgwHxXUbIw
— Osvaldo Nuñez (@nunezosval) May 19, 2018
