Pavarësisht se i ka mbyllur hesapet me titullin kampion, Shkëndija nuk ka ndërmend të ulë ritmin dhe është rikthyer menjëherë te fitorja.
Kuqezinjtë e Tetovës kanë mposhtur në shtëpi Rabotnickin, me rezultatin e pastër 3-0, falë golave të shënuar nga Junior, Todorovski dhe Alimi, ndërsa miqtë e mbyllën takimin me 10 futbollistë, pas kartonit të kuq të marrë nga Sadiki në minutën e 66’.
Shkëndija dominoi totalisht në kampionatin maqedonas këtë sezon, ndërsa trajneri Qatip Osmani ka bërë thirrje vazhdimisht që skuadra të mos e ulë ritmin, në pritje të finales së Kupës, që do të luhet më 23 Maj ndaj Pelisterit.
