Wilfred Zaha është bërë lojtari i parë i Crystal Palace që fiton çmimin Lojtari i Muajit në Premier League që prej tetorit të 2004 kur të njëjtin çmim fitoi Andrew Johnson.
Sulmuesi 25-vjeçar ka shënuar katër gola dhe një asist në katër ndeshje gjatë prillit teksa Palace siguroi qëndrimin në Premier League për një tjetër sezon.
“Jam shumë i lumtur që po paraqitem kaq mirë,” shprehet lojtari i Bregut të Fildishtë.
“Njerëzit mund ta shohin vetë që kam punuar shumë kohët e fundit.”
Muaji prill ka qenë fantastik për ish-lojtarin e Manchester United. Crytal Palace do ta ketë shumë të vështirë të mbajë në skuadër për një tjetër vit sulmuesin i cili mund të luajë edhe si mesfushor.
Ai kërkohet nga Manchester City i Pep Guardiola-s.
