Mesfushori i Kombëtares shqiptare, Ylber Ramadani, arriti të shpallej kampion i kategorisë së dytë në Danimarkë, me skuadrën e Veljes që drejtohet nga ish-trajneri i Partizanit, Adolfo Sormani.
Velje është rikthyer kështu në Superligën e Danimarkës, ku mungonte prej sezonit 2008-2009, kjo fal ndihmës së mesfushorit shqiptar. Në një prononcim për “TV Klan”, 22-vjeçari ka folur për triumfin e skuadrës së tij si dhe për të ardhmen.
“E kemi nisur nga fillimi i sezonit dhe e kemi përfunduar ashtu siç duhet. Mendoj se është një ndenjë e veçantë për mua të shpallesh kampion në Danimarkë. Kontratën e kam edhe për Superligë, por nëse vjen ndonjë ofertë do të bisedojë presidenti me menaxherin, ta shohim si do ta zgjidhin”, u shpreh Ramadani për “TV Klan”.
