Supersticioni luan një rol të rëndësishëm në sportin e futbollit. Pastaj nga ana tjetër ekzistojnë tabutë dhe mallkime të tilla si ajo e Benfikës e Bela Guttman. Portugezët nuk janë më në gjendje të fitojnë një finale, qëkur ish-lojtari hungarez i ekipit të Shqiponjave në vitin 1962 deklaroi: “Nga sot deri në njëqind vjet asnjë skuadër portugeze nuk do të jetë kampione e Evropës dhe Benfica pa mua nuk do të fitojë kurrë Champions League”. Legjenda tregon që pas përfundimit të finales kur portugezët triumfuan në vitin 1962, tekniku kërkoi një premio për suksesin e dytë të njëpasnjëshëm. Kërkesa nuk u pranua nga drejtuesit dhe Guttman nuk e priti mirë. Ai vendosi të largohej dhe ndryshoi kontinentin, duke u vendosur në Uruguai në stolin e Peñarol, por jo para se të lëshonte një lloj “mallkimi sportiv” për ekipin që e kishte dërguar në majën e Olimpit.
Real Madridi gjithashtu ka mallkimin e saj në Champions League. Duket e çuditshme duke parë raportin midis finaleve të fituara dhe atyre të luajtura nga kampionët e tanishëm evropian. Megjithatë, ekipi i Zidane në Kiev do të duhet të thyejë një tabu që nuk ka të bëjë aspak me futbollin. Në fakt fantazma që vërtitet rreth klubit të Florentino Perez ka të bëjë me ekipin e basketbollit të qytetit të Madridit. Në fakt, në historinë sportive të Real Madridit, nuk ka ndodhur kurrë që të dy ekipet, ajo e futbollit dhe e basketbollit, të triumfojnë në Evropë në të njëjtin vit në disiplinat e tyre përkatëse.
