Zvicra nuk u ndal nga Brazilin në ndeshjen e parë hapëse të Kupës së Botës dhe Neymar, i cili po luante ndeshjen e tij të parë konkurruese që nga dëmtimi në këmbë në shkurt, i ndjeu pasojat. Duke u kthyer në dhomën e zhveshjes, ai ndjeu dhembje në të njëjtën zonë në këmbë dhe kishte panik pasi mjekët kishin frikë se atij do t’i rikthehej i njëjti dëmtim.
Ishte vetëm një tronditje, pasi ekzaminimet e mëtejshme treguan se nuk kishte vend për panik. Ishte vetëm një goditje në kyçin e këmbës, me mjekun e ekipit dhe vetë Neymar që kanë mohuar çdo shqetësim të ngritur nga media pas ndeshjes. Numri 10 i Brazilit ishte jashtëzakonisht i lehtësuar dhe u tregua i shpejtë për të vendosur akull në kyçin e këmbës, që të kthehej në aksion sa më shpejt që të ishte e mundur.
Megjithatë, kishte ende arsye për t’u shqetësuar për yllin e Paris Saint-Germain, ndonëse trajnerët brenda kombëtares së Brazilit parashikojnë që skuadrat e tjera do të përshtatin të njëjtën taktikë për të ndalur 26-vjeçarin që ai të mos shkëlqejë në fushën e blertë. Vetëm një lojtar i Zvicrës ishte rezervuar në gjysmën e pjesës së parë për të ndaluar sulmuesin e “Seleçao”, për habinë e të gjithëve dhe brazilianët kanë kërkuar më shumë mbrojtje për Neymar.
“Ne e dinim, që duhet të luanin fortë, agresivë dhe të fitonim betejat tona”, tha mbrojtësi i Zvicrës, Ricardo Rodriguez pas ndeshjes. Nuk është një gjë e re për sulmuesin, pasi ka përjetuar të njëjtën gjë në Francë në Ligue 1, por është diçka që ai nuk do të dojë të përballet më në Rusi pas atij dëmtimi që e la të bënte një pushim të gjatë. Tani ai shpreson të kthehet në formën e tij më të mirë në dy ndeshjet e mbetura, për ta ndihmuar Brazilin të kalojë grupin, megjithatë tifozët e “Seleçao” do të ishin të kënaqur vetëm nëse fitojnë trofeun.
