Wolves është në bisedime për të blerë mbrojtësin e djathtë të Valencia-s Joao Cancelo, sipas Sky në Itali.
Shuma që po diskutohet thuhet të jetë rreth 40 mln euro.
Lojtari portugez Cancelo sezonin e kaluar ka luajtur i huazuar tek Inter dhe përfaqësohet nga Jorge Mendes, i cili ka një marrëdhënie të mirë me Wolves.
Fituesit e titullit të Championship, që do të luajnë në Premier League sezonin e ardhshëm, kanë blerë disa lojtarë që përfaqësohen nga Mendes në vitet e fundit, ku përfshihen Cavaleiro, Jota dhe Neves.
Cancelo iu bashkua Valencia-s në verën e 2014.
24-vjeçari ka dalë nga akademia e Benfica-s, dhe ka shënuar tre gola në gjashtë paraqitje për Portugalinë.
