Ever Banega është i gatshëm të bashkohet me Arsenalin, por së pari dëshiron siguri për rolin e tij në skuadrën e Unai Emery. Ka qenë vet tekniku i “Topçinjve” ai i cili ka kërkuar që argjentinasi të transferohet në “Emirates”, pasi ka punuar me 29-vjeçarin gjatë kohës që ka drejtuar Valencian dhe Sevillan.
Mesfushori Banega, i cili aktualisht është i impenjuar në Kupën e Botës me Argjentinën, vitin e kaluar u rikthye te Sevilla, pas një sezoni aspak pozitiv te Inter në Serie A. Me emërimin e Emery në krye të Arsenal, Banega është një nga emrat më të lakuar për t’u transferuar në Londër.
