Charles Leclerc është zbulimi i madh i sezonit 2018 të Formula 1. Vetëm 19 vjeç, piloti nga Monaco, i rritur tek Akademia e Ferrari-t, duket kandidati që është përherë e më afër zëvendësimit të Kimi Raikkonen vitin e ardhshëm.
“Zërat (për transferimin tim te Ferrari)? Kam mësuar që të përqendrohem për atë që po bëj dhe tani nuk e ndjej veten për të folur për ato që qarkullojnë rreth meje, edhe nëse po, qartësisht që jam i vetëdijshëm për këto thashetheme”, tha kampioni aktual i Formula 2, që në Formula 1 me Alfa Romeo Sauber ka grumbulluar 11 pikë, tre më shumë se Stoffel Vandoorne me McLaaren, për shembull.
Vetë Sebastian Vettel, që mund të ishte shoku i tij i skuadrës për sezonin e ardhshëm, ka komentuar të shtunën se është “i impresionuar nga ajo që po bën, me vendin e tij të tetë në garë pavarësisht presionin që ka pasur këtë fundjavë”.
