Harry Kane është golashënuesi më i mirë i Kupës së Botës deri tani. Ai ka bërë të ditur se ka dëshirë të luajë kundër Belgjikës në ndeshjen e fundit të Grupit G, por trajneri i Anglisë, Gareth Southgate, mund të mos jetë dakord.
“Natyrisht, do të jetë e rëndësishme për Harry”, ka thënë ai. “Por unë duhet të mendoj për skuadrën dhe të bëjë atë që është më e mirë për ne. Ai ka lënë mbrapa disa prej emrave më të mëdhenj të historisë së futbollit anglez për golat e shënuar në Botëror”.
“Kjo duhet ta bëjë të ndihet jashtëzakonisht krenar, por ai është lojtari më i mirë i ekipi dhe ne duhet të marrim vendime për të mirën e skuadrës”.
Tregolëshi i Kane kundër Panamasë, të dielën, e ka ndihmuar sulmuesin e Tottenham të kalojë legjendën Bobby Chalrton dhe të kalojë Sir Goeff Hurst në listën e golashënuesve më të mirë të Anglisë në Kupën e Botës.
Por, duke parë se Anglia e ka siguruar kualifikimin, Southgate pritet të bëjë disa ndryshime. Anglia ka dy lojtarë, Kyle Walker dhe Ruben Loftus-Cheek, të cilët rrezikojnë të skualifikohen për 1/8-at nëse marrin një karton tjetër të verdhë.
