Të gjithë ata që e kanë arritur ta shohin në fushën e blertë, kurrsesi nuk mund të kenë humbur gjuajtjet e lira të Andrea Pirlos. Mesfushori italian i shndërronte një pjesë të madhe të tyre në gola, aq sa të gjithë thonin se për të janë si 11-metërsha.
Sot, ai nuk është më pjesë e fushës së blertë, megjithatë s’mund të qëndrojë larg futbollit. Në një prononcim për Goal.com, Pirlo ka zgjedhur “shënjestruesit” më të mirë.
“Për momentin janë 3 futbollistë që dinë të shënojnë nga goditjet e lira dhe ata janë Lionel Messi, Miralem Pjanic dhe Paulo Dybala. Të gjithë këta janë shumë të rrezikshëm dhe “vdekjeprurës” me goditjet standarte”, deklaroi ai.