Flamurtari duket se po kalon një periudhë të zakonshme si në vitet e kaluara edhe në këtë verë. Shumë prej lojtarëve që mbyllën sezonin me kuqezinjtë duket se nuk do jenë pjesë e skuadrës sezonin që vjen. Drejt largimit duket se tashmë është edhe një prej elementëve që spikati siç është mbrojtësi i djathtë , Gorian Siljanovski.
Mbrojtësi maqedonas ka dy oferta të rëndësishme në drejtim të tij ku Shkupi në Maqedoni dhe Osijek në Kroaci kanë shfaqur interes konkret për të. Gjithsesi 27-vjeçari ende nuk ka vendosur për të ardhmen e tij pasi duket se po punon edhe për rinovimin e tij me Flamurtarin dhe ka nisur bisedimet me drejtuesit vlonjatë.
