“Unë do të doja që Justin të qëndronte te Ajax edhe për një tjetër sezon, por varet nga ai dhe unë si baba, pranoj çdo zgjedhje të tijën, madje edhe ta mbështes. Roma mund të jetë një skuadër shumë e mirë, edhe pse e përsëris, unë personalisht do të preferoja që të qëndronte te Ajax edhe për një vit tjetër”, deklaroi Patrick Kluivert në lidhje me vendimin e djalit të tij, Justin, për tu larguar nga Ajax.
“Dhe vetëm më pas të transferohej në ndonjë skuadër në perëndim. Gjithsesi ky është vendimi i tij dhe unë besoj se ai mund t’ja dalë. Jam babai i tij dhe do t’i qëndroj pranë pavarësisht çdo vendimi që do të marrë”, vijoi ish-sulmuesi i Baças dhe Milan, për të ardhmen e pasardhësit të tij, që do të luajë te Roma sezonin e ardhshëm.