Conor McGregor vazhdon të qëndrojë në Nju Jork, ku disa ditë më parë mbërriti për t’u paraqitur para gjykatës, pas incidenteve që krijoi para eventit të UFC-223. Irlandezi ka përfituar nga qëndrimi në Nju Jork për të shëtitur në rrugët e këtij qyteti me biçikletë. Ikona e arteve marciale mikse ecte në rrugë gjysmë i zhveshur, duke i dhënë biçikletës së bashku me mikun e tij Cian Cowley.
McGregor duket se ka dashur të tregojë tatuazhet e tij në trup, pa u merakosur për njerëzit, ndërkohë që është në pritje të procesit të radhës, që zhvillohet më 6 korrik. Irlandezi nuk duelon në kafaz prej nëntorit 2016, ndërkohë që një vit më parë debutoi në ring, ku u mund nga Floyd Mayweather. Pavarësisht se nuk duelon perj kohës, duket se McGregor po shijon jetën jashtë kafazit.