Dani Pedrosa nuk do të jetë më një pilot i Honda në të ardhmen. Motori japonez, përmes një komunikate zyrtare, ka deklaruar se ky do të jetë sezoni i fundit i pilotit spanjoll me motorin Honda, bashkëpunim që zgjat prej 18 vitesh, duke konsideruar edhe karrierën në kategoritë 125cc e 250cc. Rezultatet e dobta të Pedrosa me motorin japonez këtë sezon kanë sjellë këtë divorc, që dukej i paevitueshëm.
Por nëse ky largim ishte i pritshëm, ai që ka befasuar të gjithë është ideja se vendin e tij te Honda mund ta zërë një tjetër pilot spanjoll, një ish-kampion bote, Jorge Lorenzo. Edhe ky i fundit do të largohet nga Ducati në fund të këtij sezoni, ndaj mediat spanjolle e ato italiane bëjnë me dije se mund të kalojë të Honda, për të formuar një dyshe ëndrrash me Marc Marquez. Dy pilotë kampionë, të shpejtë e rivalë.
HRC and Dani Pedrosa to end partnership… https://t.co/cjDAukUSkq
— Repsol Honda Team (@HRC_MotoGP) June 5, 2018
