Edhe pse sytë e të gjithë sportdashësve janë drejtuar në Botëorin “Rusi 2018”, klubet europiane po punojnë për të përforcuar skuadrat e tyre. Së fundmi vjen një lajm i fundit nga Anglia, teksa “Goal.com” raporton se trajneri Jose Mourinho ka kërkuar nga drejtuesit të sjellin në “Old Trafford” Jordi Albën.
Mbrojtësi i majtë i Barcelonës shihet si futbollist kyç në prapavijë dhe tashmë kanë nisur tratativat për ta “rrëmbyer” atë nga katalanasit. Ky transferim duket mjaft i vështirë pasi lojtari ka kontratë me Barcelonën, megjithatë në vazhdim priten zhvillime të reja për sa i përket të ardhmes së Jordi Albës.
