Leonardo Bonucci beson se Italina ka talente dhe që së shpejti skuadra do të bëhet më e fortë, por theksoi se mediat po fokusohen vetëm te Mario Balotelli. Azzurët u mposhtën 3-1 nga Franca në miqësoren e luksit por duket se kjo nuk e ka demoralizuar kapitenin italian.
“Ne duhet të mësojmë nga gabimet tona, duhet të kemi vendosmëri dhe fokusim, ne mund të kemi bërë më mirë.
“Kjo Kombëtare ka talentë dhe ne mund të bëhemi më të fortë. Franca ka entuziazëm dhe rini, por gjithashtu ka shumë përvojë me lojtarët që luajnë me klube të mëdha .Unë mendoj se ata janë një nga favoritët e Kupës së Botës”, tha Bonucci për Rai Sport.