Përpara disa muajsh u komentua gjatë nga mediat fejesa e papritur e futbollistit të njohur të kombëtares shqiptare, Armando Sadikut. Në një ceremoni shumë private futbollisti zyrtarizoi lidhjen e tij me të dashurën nga Kosova.
Por ndonëse ai e ka bërë zyrtare lidhjen e tij prej kohësh, në rrjetet sociale nuk ka asnjë foto me vajzën në fjalë. Ai ditën e sotme ka qenë i ftuar në emisionin ’Kush vjen për drekë’ ku dhe ka treguar për herë të parë diçka më shumë për partneren e tij.
Siç ka rrëfyer dhe sulmuesi i kombëtares shqiptare,partnerja quhet Elona dhe është me origjinë nga Drenica e Kosovës dhe bashkë janë njohur kur futbollisti ka luajtur në Zyrih, duke qenë se ajo ka lindur dhe është rritur në Gjermani.
